राष्ट्रिय स्वतन्त्र पार्टी (रास्वपा) का सभापति रवि लामिछानेका सवारी चालक दिलबहादुर थापा (शम्भु) को पशुपति आर्यघाटमा अन्तिम संस्कार गरिएको छ।
उपचारका मंगलबार ललितपुरस्थित मेडिसिटी अस्पतालमा निधन भएपछि पाटन अस्पतालमा पोस्टमार्टम गरेर बुधबार पशुपतिमा अन्तिम संस्कार गरिएको हो।
अन्तिम संस्कारका क्रममा लामिछाने पनि पशुपति आर्यघाट पुगेर थापालाई श्रद्धाञ्जली दिएका छन्।
गत वैशाख ४ गते बिहान ३ बजेर ५४ मिनेटमा चितवनको भरतपुरस्थित अढाई तले घरबाट खसेर सिन्धुपाल्चोकका उनी गम्भीर घाइते भएका थिए।
त्यसपछि उनलाई पुरानो मेडिकल कलेज भरतपुरमा राखेर उपचार गरिएको थियो। त्यहाँ टाउकोको शल्यक्रिया गर्दा पनि स्वास्थ्यमा सुधार नभएपछि उनलाई मेडिसिटी ल्याइएको थियो।
मेडिसिटी ल्याएदेखि नै उनलाई भेन्टिलेटरमा राखिएको थियो। त्यहाँ उनको कोमामा गएकै अवस्थामा निधन भएको हो।
