यस्तो छ सरू कालीको दमदार गजल

  • प्रकाशित मिति : २०७८ चैत्र १३, आईतवार
  • chhanbin.com

के छ ? कस्तो छ ? भनेर हाल नसोध
म आफै अर्धहोसमा छु सवाल नसोध।।

आलो घाउमा औला राखेर कस्तो छौ भन्छौ
उत्तरहरुको लागेको छ अनिकाल नसोध ।।

जिन्दगी न एता न उता मझ्धारमा भयो
नचायो समयले कुन सुर –ताल नसोध ।।

उ लाश भएर जल्यो म जिउदो लाश बनेर
महशुस सोध न कस्तो थियो काल नसोध।।

मलाई ओत लाग्न सिङ्गो आकाशले धानेन
सहयोगको लागि पठाउ भनि पाल नसोध।।

सरु काली