नेपालमा थप आठजनामा कोरोना संक्रमण पुष्टि भएको छ । पछिल्लो २४ घण्टामा एक हजार ६९६ वटा स्वाब नमुनाको पीसीआर परीक्षण गरिएकोमा आठजनाको नतिजा पोजिटिभ आएको हो ।
यो अवधिमा ९५९ नमुनाको एन्टिजेन परीक्षण गरिए पनि कसैमा संक्रमण देखिएन ।
पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण ११ हजार ९५१ जनाको मृत्यु भएको छ ।
पछिल्लो २४ घण्टामा देशभर २१० जना निको भएका छन् । योसँगै नेपालमा कोरोनामुक्त हुनेको संख्या नौ लाख ६४ हजार ६०८ पुगेको छ । हाल देशभर कोरोनाका सक्रिय संक्रमितको संख्या एक हजार ७५८ रहेको स्वास्थ्य तथा जनसंख्या मन्त्रालयले शनिबार जनाएको छ ।
