बल्ल आज बढ्यो सुनको मूल्य, तोलाको कति पुग्यो ?

  • प्रकाशित मिति : २०७८ माघ १९, बुधबार
  • chhanbin.com

बुधबार सुनको मूल्य प्रतितोला तीन सय रुपैयाँले बढेको छ। नेपाल सुनचाँदी व्यवसायी महासंघका अनुसार आज सूनको मूल्य तोलामा तीन सयले बढेको हो।

तीन सय बढेसँगै आज छापावाल सुनको मूल्य प्रतितोला ९२ हजार २०० रुपैयाँ र तेजाबी सुनको मूल्य प्रतितोला ९१ हजार ७०० कायम रहेको छ।
मंगलबार छापावाल सुनको मूल्य प्रतितोला ९१ हजार ९०० र तेजाबी सुनको मूल्य प्रतितोला ९१ हजार ४०० रुपैयाँ थियो ।

आज चाँदीको मूल्य पनि १५ रुपैयाँले बढेको छ। आज चाँदीको मूल्य प्रतितोला १२ सय ५५ रुपैयाँ छ। मंगलबार चाँदी तोलामा १२ सय ४० रुपैयाँमा कारोबार भएको थियो।