नेपाली बजारमा बिहीबार छापावाल सुनको मूल्य तोलामा ५ सय रुपैयाँले घटेको छ। बुधबार ९२ हजार ८ सय रुपैयाँमा कारोबार भएको सुनको मूल्य आज ९२ हजार ३ सय रुपैयाँ तोकिएको नेपाल सुनचाँदी व्यवसायी महासंघले जनाएको छ।
आज तेजाबी सुन प्रतितोला ९१ हजार ८ सय रुपैयाँ कायम भएको महासंघले जनाएको छ। आज चाँदीको मूल्य पनि अघिल्लो कारोबार मूल्यको तुलनामा तोलामा २५ रुपैयाँले घटेर १२ सय ३५ मा कारोबार भइरहेको छ। बुधबार चाँदी १२ सय ६० रुपैयाँमा कारोबार भउको थियो।
महासंघले अन्तर्राष्ट्रिय बजारमा सुन तथा चाँदीका मूल्यमा हुने परिवर्तनका आधारमा दैनिक कारोबार मूल्य तोक्दै आएको छ। आज अन्तर्राष्ट्रिय बजारमा सुन प्रतिऔंस १८ सय ३ डलर आसपास कारोबार भइरहेको छ।
