लोकप्रिय गायक राजेश पायल राईमाथि हातपात भएको छ । नयाँवर्ष सन् २०२२ को स्वागतमा आयोजित एक सांगीतिक कार्यक्रममा प्रस्तुति दिइरहेका गायक राईमाथि हातपात भएको हो ।
न्यूयोर्कमा आयोजित कन्सर्टमा गीत गाइरहेका गायक राईलाई एक दर्शकले स्टेजमा चढेर पछाडिबाट अँगालो मारेजस्तो गर्दै हातपातको प्रयास गरेका थिए ।
ती व्यक्तिलाई कार्यक्रममा सहभागी दर्शकले हातपातबाट हुनबाट जोगाएर त्यहाँबाट निकालेका थिए । सांगीतिक कार्यक्रममा सबैजना झुमिरहेका बेला ती व्यक्ति अचानक स्टेजमा चढेर हातपात गर्ने प्रयास गरिरहेको दृश्य भिडियोमा देख्न सकिन्छ । मेगास्टार (राई इज किङ) भनेर चिनिने गायक राई अहिले न्यूयोर्क पुगेका छन् । गायक राईलाई हातपात कसले किन गर्यो भन्नेबारे खुल्न बाँकी छ ।
