नेकपा माओवादी केन्द्रको राष्ट्रिय सम्मेलनमा १६ सय ३१ जना प्रतिनिधि सहभागी हुने भएका छन्। काठमाडौंमा आइतबारदेखि १३ गतेसम्म चल्ने सम्मेलनमा प्रदेश, विभिन्न संगठन र मनोनित गरि १६ सय ३१ जना प्रतिनिधि सहभागी हुने स्थायी समिति बैठकले निर्णय गरेको प्रवक्ता कृष्णबहादुर महराले बताए।

शुक्रबार बिहान र दिउँसो दुईपटक बसेको स्थायी समिति बैठकमा अध्यक्ष पुष्पकमल दाहाल ‘प्रचण्ड’ले आफ्नो राजनीतिक प्रतिवेदन पनि पेस गरेका छन्। १० प्रतिशत प्रतिनिधि मनोनित गर्ने अधिकार अध्यक्ष दाहाललाई दिएको महराले बताए। यसरी मनोनित हुनेको संख्या १४८ हुने उनले बताए। स्थायी समिति बैठक भोलि १ बजे फेरि बस्नेछ।