नेकपा एमालेको केन्द्रीय कार्यालय तुल्सीलाल प्रतिष्ठानको भवनमा सारिने भएको छ। हाल थापाथालीबाट सञ्चालित कार्यालय साँघुरो भएपछि उक्त स्थानमा सारिने भएको हो।
उक्त भवनको आवश्यक मर्मतसम्भार गरी तीन महिनाभित्र कार्यालय सारिसक्ने प्रचार विभागका उपप्रमुख विष्णु रिजालले जानकारी दिए। प्रतिष्ठानसँग एमालेले सम्झौता गरिसकेको उनले बताए।
नेकपा एमालेका स्थायी तथा केन्द्रीय कमटीका बैठकहरु सोही भवनमा हुने गरेका छन्। एमालेले अर्को व्यवस्थापन नगरेसम्म त्यही भवनबाट पार्टी कार्यालय सञ्चालन गर्ने उनको भनाइ छ। अहिले थापाथापीमा मारवाडीको घरमा एमाले पार्टी कार्यालय छ।
