२६४ जना कोरोना सङ्क्रमित थपिए, ३६२ जना कोरोना मुक्त हुँदा २ जनाको ज्यान गयो

  • प्रकाशित मिति : २०७८ मंसिर २८, मंगलवार
  • chhanbin.com

पछिल्लो २४ घण्टामा २६४ जना कोरोना भाइरसका सङ्क्रमित थपिएका छन् । ९ हजार ३९२ जनामा पीसीआर परीक्षण गरिएकोमा २२९ जनामा र ४ हजार ३१७ जनामा एन्टीजेन परीक्षण गर्दा ३५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

नेपालमा कोरोना सङ्क्रमणमुक्त हुने दर ९७.९ प्रतिशत रहेको छ । यसैगरी, पछिल्लो २४ घण्टामा ३६२ जना कोरोना मुक्त भएको स्वास्थ्य मन्त्रालयले जनाएको छ । सोही अवधिमा २ जना सङ्क्रमितको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५५९ पुगेको छ ।

यसैगरी देशमा हालसम्म ५ हजार ६८९ जना सक्रिय सङ्क्रमित रहेका छन् ।