प्रतिगामीलाई बालुवाटारबाट निकालेर बालकोट पुर्‍याइयो भन्दै प्रचण्डले ओलीलाई लगाए धारेहात

  • प्रकाशित मिति : २०७८ मंसिर १६, बिहीबार
  • chhanbin.com

नेकपा (माओवादी केन्द्र)का अध्यक्ष पुष्पकमल दाहाल प्रचण्डले आफूहरूले प्रतिगमनलाई असफल बनाएको बताएका छन् ।

पार्टी मुख्यालयमा बिहीबार आयोजित पार्टी प्रवेश कार्यक्रममा यस्ताे बताएका हुन् । प्रतिगमनलाई असफल बनाउन अघिल्लो वर्ष लाखौं जनता सडकमा ओर्लिएको उनकाे भनाइ छ।

उनले भने,‘गत सालको प्रतिगमनविरोधी आन्दोलनमा लाखौं जनता परिचालित गर्‍यौं र त्यो प्रतिगमनलाई असफल बनायौं । जनताको साथ लिएर संविधान र जनताको परिवर्तनलाई उल्ट्याउन खोज्ने तत्वलाई बालुवाटारबाट निकालेर बालकोट पुर्‍याइयो ।’

जस्तोसुकै मूल्य चुकाएर भए पनि संघीय लोकतान्त्रिक गणतन्त्रको रक्षा गर्ने प्रचण्डको प्रतिबद्धता छ । समानुपातिक समावेशीलाई आफूहरूले व्यवहारमा लागू गरिसकेको भन्दै उनले आफूहरूकै कारण स्थानीय तहमा सबैको प्रतिनिधित्व भएको दाबी गरे ।