आफ्नो गढ भत्कदा देउवा दुखी, रामचन्द्रले चाहिँ खुसीले मारे बुर्कुसी

  • प्रकाशित मिति : २०७८ आश्विन २२, शुक्रबार
  • chhanbin.com

नेपाली कांग्रेसको १४ औं महाधिवेशन आसन्न रहँदा वरिष्ठ नेता रामचन्द्र पौडेल उत्साहित देखिएका छन् । सभापति शेरबहादुर देउवाको आधार क्षेत्र मानिने सुदूरपश्चिमको बाजुरामा आफूनिकट रामसिंह रावल सभापतिमा विजयी भएपछि पौडेलले ‘सुदूरपश्चिममा पनि परिवर्तन सम्भव छ’भन्दै ट्वीट गरेका हुन् ।

पौडेलले सभापति देउवा आफ्नै गृहजिल्ला डडेल्धुरामा निर्विवाद नरहेको तर्फ संकेत समेत गरेका छन् । ‘परिवर्तन सम्भव छ, सुदूरपश्चिममा पनि परिवर्तन सम्भव छ । बाजुरामा रामसिंह रावलको विजयले संकेत गरिसक्यो । डडेल्धुराले सन्देश दिइसक्यो’, पौडेलले लेखेका छन् ।

बाजुरामा देउवा पक्षका उम्मेदवार कविराज पण्डितलाई पौडेल पक्षका रामसिंह रावलले पराजित गरेका छन् ।