चैत, जनकपुरधाम । सिरहामा अपहरण गरि एकजनाको हत्या अभियोगमा दुईजना पक्राउ परेका छन् ।
सिरहाको मिर्चैया नगरपालिका वडा नं. ७ का २८ वर्षीय युवक शिव कुमार यादवको हत्या गरेको आरोपमा उनकै काकाका छोरासहित दुईजनालाई सिरहा प्रहरीले पक्राउ गरेको हो ।
पक्राउ पर्नेमा नातामा काकाको छोरा पर्ने विष्णु यादव र विष्णुकै नातामा जेठान पर्ने इन्द्रदेव यादव रहेको प्रदेश २ का प्रहरी प्रमुख धिरज प्रताप सिंहले बताए ।
विष्णुले शिवको अपहरण गरी ५० लाख रुपैयाँ फिरौती माग गरेको र परिवारजनले फिरौती रकम दिन नसकेपछि हत्या भएको डीआईजी सिंहले जानकारी दिए ।
विष्णुले जेठान इन्द्रदेवसँग मिलेर शिवको अपहरण गरि परिवारसँग ५० लाख रकम फिरौती मागेका थिए तर परिवारजनले उक्त रकम दिन अस्वीकार गरे पछि हत्या भएको बताए ।
गएको आइतबार राति शिवको हत्या भएको थियो ।
शिवका दाजु वैदेशिक रोजगारीबाट फर्केकोले रकम असुल्ने उद्देश्यले उनको अपहरण गरेको भन्ने प्रारम्भिक अनुसन्धानबाट खुलेको छ ।
